كيف تعرف مشاعر زوجتك تجاهك؟
الطريقة بسيطة جداً.

اشتر كرتون او كيس رمان وحطه في المطبخ واسكت.

الآن اربع احتمالات بتصير معك والخامس ما راح اقوله لاني ما اتوقع بيصير معك..

الاحتمال الأول:
بعد العصر يجيك صحن كبير كله حبوب الرمان مع ملعقة، يعني الزوجة قشرت لك رمانتين او ثلاث دون أن تطلب منها ذلك.
هذي تمسك فيها تراها تحبك.

الاحتمال الثاني: يجيك صحن فيه حبوب رمانه وحده فقط.
هذي زوجتك تراها تحترمك وتخدمك من باب اداء الواجب فقط. او قاعده تحتسب الأجر فيك.

الاحتمال الثالث .. ركز كويس
تجيب رمانه وتقوم تقشرها لك قدام عينك..
هذي انتبه منها، هذي توريك انها قاعده تتعب علشانك، وعساه ينفع فيك بعد.وتبي مقابل هالتعب..
هذي تبي ترتاح في حياتك لازم تدهن سيرها بالدراهم.
اما إن كان حبوب الرمان تتطاير وتتعدى شوشتها..
فهذي اعرف انها تحولت من زوجه الى ند.

الاحتمال الرابع .. تجيب لك الرمانه والصحن والسكين ويمكن ما تجيب الملعقة عن عمد.
وتطالع فيك بطرف عين وانت تقشر رمانتك.
هذي اعرف أن مصيرك النوم في الملحق..
المسألة مسألة وقت بس تنتظر أنك تشيب او يكبرون عيالك.
حاول تتعود على الملحق من الآن واجتهد في تجهيزه.

الحالة الخامسة وهذي نادره وما اقدر انصحك وش المطلوب منك
وهي انك تفتح الثلاجة بعد اسبوع وتلقى الرمان قد فرمته هي وعيالها..
الله يكون في عونك.. دعواتنا معك..

مع تحياتى..👆